هندي راح المنامة يتشري له حمامة
هندي ما عنده فلوس يشتري جباتي وسمبوس
مسكين الهندي مسكين

ويللي اقولك ناس طلعوا على الشقيق ولد بحر انهو سكران يوم يقولوها هاهاهاها

اما التشديد حدف ولا حرج ياخوك .. في مدرسة النعيم تحديدن وخصوصن لعنوا امن جابتنا .. بس الحين مهم قادرين على مال التوحيد

كل يوم تعال يا الكسيف
وفهمنا الوضعية اشلون الحين عندك مئة الف مدونة
محنا عارفين ويش القصة

ههههههههههه

ما اذكر أننا وصلنا لمرحلتكم، صحيح تفتيش على الشعر والأظافر والنظافة بس غسال شعر قوية حدنا تغسيل الأسنان واهم شي الحبة الحمرا اللي بعد ما نغسل اسنانا


اممم على ما اذكر قبل ما يسوون المريول ماروني كان رصاصي وأبته خضرا << شوف التناسق بس


مدونة أكثر من رائعة لك كل التحية

اظن ان معلمة جكلمة تاكل ... غنمة تدري ليش لأن قبل مدارس البنات يلبسون الرصاصي والابه الخضره فالغنم يلاحقون الابه الخضرة عبالهم جت وبعدين ما يحصلون الى المعلمة وتأكل ما تحصل... ها ها ها واتذكر معلمة اسمعتها من مجموعة في الثانوية وقالت هذي قدركم ياللي ما تسحتون يا الوسخين

ههههههههههههههههههه
ولدي الصغير كل شوي يسمعني أضحك وانا أقرأ موضوعك ويجي يجيك على اللي أني أقراه بس ما يشوف شي يضحك ويرجع .. مسكين شك فيني\
الكسيف طلعت من الذين تأسسوا على يد مدرسات ها ؟؟؟
في الثانوي استوقفتني مدرسة في الشارع وقالت مب غلط اللي تسوينه ؟\
كنت فاكرة أنا بتقول لي ليش مب متحجبة ؟؟\
لكنها قالت حاطة صورة ممثل على شنطتك " كان جيمس دين "
قلت لها أنا شريتها جذي
قالت وليش تشتريها من الأصل ..
قلت لها أبوي شراها لي من ألمانيا ..
فسكتت شفت أكثر من جذي تدخلات وقمع للحريات
في أهزوجة قديمة على المدرسات أيامنا تقول
معلمة العربي
شعرها أصفر ذهبي
تحياتي والله مدونتك تطلع كل الغبار
شيماء

شكلك نظيف من قلب، سم ظروسك الكسافه

الأهزوجة الثالثة:
مديرة سوده دبتها عوده

بالمناسبة نحن في مدارس البنات كنا لا "نهزج" عن المعلمات غير المديح على شاكلة
" معلمتنا العربي شعرها أصفر دهبي"

اليوم يوم التدوينات الحلوه عفر
ولد بونا اليوم كاتب خوش تدوينه بعد

ههههههههههههههه

والله أنا إنسان عشت طول عمري تقريباً مرتاح من مشاكل المدارس ، ما عدا الفلاف سنين الأولى من الدراسة لأني درست في مدارس إيرانية في قم ، فكانوا شديدين ، بس أنا شوي شاطر فيشفع ليي تفوقي ، أما من رحت مدرسة خاصة في إيران (مدرسة كويتية) وعقبها لكويت سنتين (مع إنها أقذر سنتين دراسيتين لأني أول مرة في حياتي أشوف مخدرات بعيوني ينباع في المدارس ...الخ) ، أما الهداية فهي ختامها المسك ، حيث المدرسة التي تمتلك فيها علاقات مع المدير والمدير مساعد والمشرفين الإجتماعيين الثلاثة ، والمشرفين الإداريين الأربعة ، والمدرسين الأوائل

يعني كنت مضبط أموري

وكانوا مدلعيني

فلا مشاكل ولا عوار راس ، والتعهدات إلي كانوا يصخوني إياها ، نهاية الفصل قدامي يشققونها ويقطونها في الزبالة

يعني كانوا طيبين يعني

أحسن منكم هههههههههههههه

فمن هالشي ما اضطريت أطلع عليهم أهازيج تذم فيهم ، إلا واحد حقدت عليه ، فانطرد من المدرسة (كان يدرس أحياء) الله يغربلك يالكسيف

شكلي بكتب تدوينة عن هالمدرس التحفة

الكسيف ...
طبعا .. أعتقد الوصف إلي وصفته كان أيام عز بالنسبة للطلبة .. . على أيامنا لا يوجد "زي موحد" .. و لا يوجد مدرسات .. و في أماكن لاتوجد مدارس إبتدائية للبنات أصلا...

سنتكلم عن المدرسة أولا .. و هي مدرسة واحدة يداوم الأولاد صباحا .. و تداوم البنات ظهرا ...

حتى قسمت المدرسة إلى قسمين "بجدار عازل" فأصبحت واحدة للبنين و الأخرى للبنات ..

أما "الزي" فغير موحد .. و أعتقد أن أقلكم "كشخة" .. ربما يكون "باشا علينا" ... ملحان .. جلحان .. ثوب مدلوعة الجيب أو "لوفة" .. بانطلون أو صروال "بدون ركبة" من كثر الطيحات .. السناسين و الكشة .. و "الخرائط" المرسومة بالعرق المتجمد .. و للعلم كنا نسميها "خرايط" ...
و على نقيضك يا كسيف ..
فذاكرة المدرسة الإبتدائية محفورة في ذاكرتي .. لا أعتقد أنها تمحى .. أشاهدها يوميا كفلم يمر أمام عيني .. لحظة بلحظة .. أتذكرها و كأنها حدثت بالأمس .. أتذكر كل طالب فيها و كل مدرس ..

أما عن الجيل الذي درسته "المعلمات" فقد سمعت منهم الروايات التفصيلية .. و أحداثهم اليومية .. و آخرهم من يقسم أن معلمته "فلعته بصندوق المكياج".. و آخر يقسم على تفننه في إختراع اساليب التجسس على "العلمة"... و يشرح لي طرقه الإبتكارية ....
و غيرها و غيرها .. مما يمكننا أن نؤلف موسوعة .. لو مرت عليها الكسافة يوما .. لنعتتها "بالكسيفة"..

تحياتي

حسين الجمري

أوي أوي انته من جيل المدرسات درسوك ..


بس مو احسن من الرياجيل؟

اني هم كنت ادنك راسي على مناطق محظورة من تلبس المعلمة ثياب مو تمام جنت خايبة كولش

الإمبراطور المقدس

سنبوس مو قبول هالغبه.. لا تغيب يا خوك ما يصير..

على العموم زين إنك حافظ الأغنية.. بس ما كنا نعرف سالفة المنامة والسمبوس.. مجرد البداية.. إلا بعدين.. وما عليك إمنهم اللي يطلعون إشاعات على الشقيق علي بحر
( هههههه )

وبعدين الناس قبل فقرا أزيد من هالأيام.. على ويش بيشدودن يا حسرة


وبالنسبة للمدونات عندي بعد زود.. لكن الخربشات هي الأساس.. وتبي تمر صوب الكتب او الأخبار أو الصور أو المسجات الكسيفة كيفك، ما تبي خلك في الخربشات.. على هواك. .

أهمشي الخربشات شقيق

حياك الله

الشقيقة الهدى

أهلين

أقوليش بغيت أصيح أبي يغسلون شعري.. وجت المعلمة خلت هالولد الشاطر والحلو الزين مو الكسيف.. واختارت راس واحد طمبحله.. لليوم مقهور شقيقتي.. وإتصدقين شكلها تعرف إمه.. يعني شوفي الواسطة والمحسوبيات من متى !!

وشقيقة المريول كان لونه بين البيج والرصاصي كان اللون في الواقع مزيج من هالونين .. ما شاء الله عليش.. وبالضبط شقيقة نفس أو مفلات زي الشرطة.. تخيلي الكارثة.. ابتدائي نفس ألوان الشرطة!!!

عسى الله يسلمش يا بنت المهدي شكراً على التشجيع

تحياتي

العزيزة بنت الوطني

سلمي على العيال وأبو العيال.. أما القمع فهو موجود في كل زمان ومكان ..

المشكلة يا شقيقة إنه بعض المدرسين كانوا يستقوون على الشطار.. والفقاره والخيرين.. بس الشياطين والمشاغبين ولا حتى يوطوطون صوبهم.. يخافون يصيدهم الدست..

أما المدرسات يا شقيقة فكانوا بس في الصفوف الثلاثة الأولى.. من منتصف السبعينات.. يعني مو موضة جديدة.. يمكن في القرى ما كان هالشي موجود.. لكنه كلش قديم.

لكن الصراحة أناشيدنا.. معبرة أكثر من أناشيدكم.. شوفي شقيقة الكلمات الجذابة الرقيقة بعر وغنم وحمير وجلاب.. الله على الرومانسية..

ههههههههه

العزيزة لافي ..

آآآآآآآآآه وشهد شاهد من أهلها.. يعني هالنشيدة العظيمة بعد موجودة في مدارس البنات.. زين زين.. كلنا في الهوا سوى.

أما تفسير الغنم والخرفان والجب.. ما أدري الصراحة شاقول.. وأنا متأكد إنه هالمعلمة أيام ما كانت طالبة كانت إتقول نفس النشيدة..

شكراً على الزيارة

الشقيقة رباب

تدرين رباب من الأشياء المثيرة للاشمئزاز قبل لمعالجة مشكلة الكائنات مصاصة الدماء في الراس.. إما تسوي قرعة أو يشحنون شعرك فليت.. تخيلي الحكة اللي إتصيد فروة الراس..

أما المديره السوده هاي الصراحة إضافة شكراً لك.. ومالت العربي ما فيها ولا ذرة كسافة.. يعني ما تمشي في سوق الخربشات.

وبالنسبة حق الأخ الحبيب في بونا مرينا اليوم وسوينا الواجب.. وعندي سؤال.. الرجال وصف شكان يصير لا أكثر ولا أقل .. يعني مو المشكلة فيه المشكلة في الأخ اللي قاعد يهر أي كلام.. وفي مناسبة لا تحتمل..

مع السلامة

المجتبى

يعني إنته الحين بتفهمني إنه في إيران ما في كسافة ؟ بتقص على مين.. يا الله طلع الزين اللي عندك وما عليك..

ومن قدك يا ولد المؤمن عندك واسطات.. الله لنا يا المساكين.. صخوني تعهد وما احترموني أبداً.. وأنا الفقير المسكين.. بس صدقني مو قبول ما نسمع سالفة مدرس الأحياء.. يالله له..

دمت بأحسن حال

الأخ الحبيب حسين الجمري ..

والله حرام عليك.. تره يعني إنته بعدك شاب.. والزي الموحد للصفوف الثلاثة الأولى موجود من بدايات السبعينات.. وحتى نظام المدرسات أو ما سموه لاحقاً معلمة الفصل موجود بعد في الفترة نفسها.. اكيد قريتكم وضواحيها ما كان فيها هالكلام..

بس الصراحة خليتني أفطس من الضحك مو على نظام الشفتات في المدرسة، لكن على سيستم الكشخة.. أي كشخة الله يسامحك.. الخرايط هاي بروحه خلتني أدمع... ههههههههههه ولا تنسى شقيقي في اختراع اسمه أم الزلغلغ " مال سنابس يدلعون أم لزيغه ".. وفي اسم ثاني للخرايط عجيب، إذا مو غلطان
" بول الشيطان " هههههههههه.

وأووووووووه المعلمات بعد عنيفات ها والله ما أذكر إنهم سطروني يمكن راشدي واحد مو أكثر..

مشكور يا بوعلي والله ضحكتني.. ما قصرت

في أمان الله

أهلاً وداد

بالنسبة للمدرسات هاي من زمان شقيقتي مو بس من كم سنة.. وإذا أحسن من الرجاجيل هاي أكيد مليون في المئة على الأقل في الصفوف الأولى.. لأنه كلش ضروري هالموضوع..

وعن التبصبص كان المطلوب بس الانتباه.. لا أكثر ولا أقل.. بدون أي جهد أو تدقيق.. ههههههههههه

باي باي

كسافتكم اطلعوا على هذا الخبر
http://www.asdaaalwatan.com/index.php?page=news&id=869

تصبحون على كسافه
عاد مو تنسى صور القدو

ولا يزال الزي المدرسي خالي من اي ذوق يمكن الوزراة تصمم الزي وتختار الالوان وهي مغمضة
بستثناء الثانوية صراحة اذا اجيب اخوي ساعات من المدرسة الصبيان وخاصة العجم منهم تلاقي شكلهم مختلف ومرتبين وايد وما عتقد ان لحد الحين احد في قمل!!!!!

رباب

شكراً على المعلومات القيمة.. وبالمناسبة صناعة الورق تعتمد في العديد من البلدان على مثل هذه المواد الطبيعية..

الله يغربل إبليسش

أهلين شقيقتي العزيزة
veronica

والله إذا بغيتي الصراحة شوفي أزياء المدارس الخاصة كلها كشخة.. الي رسومها عالية والنص نص .. وعن العجم في كل شي كشخة والله حتى مواكبهم غير.

ومتفق معك تماماً في خلو الزي المدرسي من اي ذوق.. ويبدو أن المصمم أو المصممة إما هبيله أو عميه.. وزي مدارس الابتدائي للبنات اليوم صدقيني التصميم مستوحى من وزار.

وأكيد شقيقة هالأيام لا في قمل ولا غيره، في بس نفوس خايسه.

شكراً شقيقتي على المرور، وانا مستانس من زياراتك وتعليقاتك

مع السلامة

على ما قلت النفوس الخايسة بس اهيه الي موجودة هالايام
انت تتصور احنى في البيت تربينا ان عمرنا مثلا ما ندخل في القضايا وخاصة المذاهب

لكن في المدرسة لمن انتقل اخوي الى اول اعدادي الي جنبة كان يسالة انت سني ولة شيعي واحنى في المحرق كلامنا مثل السنه فاستغرب ان يقولة شيعي !!!!!!!!!!1

المهم الي جنبة كان يتكلم عن السنه ويسبهم مشاف اله الاستاذ يقولة انت الي تكلمت في الموضوع واخذها للمشرف وصارت سالفة وتعهد
المهم تعرف ان مع النتائج المدرس الاردني الي اخذه عند المشرف رسبة !!!!!

اخوي يقول من اليوم ورايح بتكلم في هالموضوع حتى لو كنت ما اعرف عنه شي
وهذي ردت فعل بسبب المدرس

veronica من جديد

أهلاً يا شقيقة

أعتقد أنك محظوظة نسبياً بوجودك في المحرق.. وصدقيني المشكلة أعوص من مدرس من كذا أو حتى من كوكب زحل.. وفي الواقع سأبدأ قريباً بسلسلة من التدوينات حول هذا الموضوع تحديداً.. ويا ريت يا شقيقة إنتي وبقية الأشقاء والشقيقات الأعزاء اتفكونا من سالفة كذا لاو كذا بس على الأقل علشان الشعار الي رفعناه.. هل توافقيني الرأي ؟

حتى ذلك الحين لا حرمنا الله من تعليقاتك ومداخلاتك.. وقصصك..

في أمان الله

ما اتذكر اني سمعت هالاهازيج من قبل
وانه مو لهدرجة عيوز يعني

بس اتذكر اني يوم كنت بصف الاول لبست المريول الرصاصي اللي فيه اخضر
كان يلوع الجبد

الشقيقة العزيزة بنت الموسوي

شكراً.. على الزيارة والتعليق وقبولي جاراً.. وإن شاء الله تتكرر الزيارات مستقبلاً..

وبالنسبة للأهازيج تره كلش مشهورة ومعروفة.. بس أنا لاحظت في التعليقات إنها أهازيج ذكورية أو صبيانية
.. الكارثة كنا كلش صغار يعني الصف الأول والثاني والثالث ابتدائي..

وبالنسبة للمريول مع الأسف الشديد حصلت صورة له بعد ما نشرت هالتدوينة.. وفعلاً كان كريه. . ممم بس لو شفتي الأبيض مع البني والله بتفطسين من الضحك.


مع السلامة ولا تحرمينا من غزواتك